|
Écrit par .
|
|
26-04-2008 |
Imn’ti l’Omaz à Aimé Oté la Rényon, Oté zèn’zan ék gramoun, Aimé labaré, do moun la pou pleuré partou, Kar sa lété un vré Kréol létré, en francais s’il vous plaît : Son kozé lété ni kolonizé ni tropikalizé, té zist’vré Oté! Li la di partou ca domoun té attand, Li la romans’ pou nou listwar zordi, cat nou té ve antamn’, Li la fé konèt son talan par son bamn démon té gadyamn Pou tout’domoun Oté ! Mersy Aimé, pou out lécritir, out kiltir, out fièl, Kar ou la transmèt lo pé lakantité le mièl universèl É la fini par payé mounoir ! Argard partou zordi zot va wouar : marmay lé fièr, la sort damn’ fénwar ék out’lespwar la arèt mars a zenou, la refé zot lidentité damné lété swadizan kondané! Alé di partou… Rényoné ansamn, Senghor ék sénégalé, kongolé, zantiyé ék André Breton ziska Chirac Oté La ékout ali poz son kozé danzeré si nout kèr maléré, Le gran parolèr la souaniya-nou kan noulété pou pléré Alor mersy enkor Aimé, pou out komba honèt, Nou promé nou va continué out kabar, batay pou la vré fraternité an tout lèt’, travay pou luniversèl kou la proklamé Kar tout’ domoun issi, sir lo planèt, i plèr son gran poèt’. Pierre-Henri AHO |
|
Dernière mise à jour : ( 09-06-2008 )
|
